XX. mendeko Euskararen Corpus estatistikoa

Testuingurua

35.2.3.- Egitura C-ren baitan

Propietate hauetatik zera ateratzen dugu, baldin eta C zenbaki konplexuen multzoa bada, (0,0) ezik, (C,.) bikotea talde abeldarra da.

Eta, horretzaz gainera, biderkaketa batuketarekiko banakorra denez gero, (C, +, .) gorputz abeldarra dugu.

Oharrak:

Bi zenbaki errealen arteko biderkadura, parte irudikaria nulua duten konplexuak bezala hartuz, zenbaki erreal bat da eta zenbaki errealen biderkadura arruntarekin bat dator.

Horrela, (R, +, .) (C, +, .)-ren azpigortuz bat dela esan dezakegu.

Era honetan zenbaki errealen multzoa zenbaki konplexuen multzoa zabaldu dugu; izan ere ez bait da bakarrik R zenbaki konplexuen aspimultzo bat baizik, R-ek zuen egituraz beraz hornitu dugu C, eta kalkulu-eragiketa guztitarako zenbaki errealak C-ren zati bat bezala kontsidera daitezke.

35.2.4.- Konplexu konjokatuen arteko biderkadura

Bi zenbaki konplexu konjokaturen arteko biderkadura zenbaki erreal positiboa da beti.

Aurreko berdintza atzekoz aurrera irakurtzen badugu, bi berbiduraren batura bi zenbaki konplexu konjokaturen biderkaketatara deskonposa daitekeela ikusiko dugu.

35.3.- ZENBAKI KONPLEXUEN ARTEKO ZATIDURA

Bi zenbaki konplexuren zatidura zera da, zatikizuna bider zatitzailearen alderantzizkoa.